ريفيو لشنطة الاظافر من مكياجي ~
سلاام
نزلت امس صوره في الانستقرام لشنطة مكياجي و سالت اذا حابين اسوي ريفيو لها ،، وحبيتو الفكره ❤
وهاذا هو الريفيو :)
بداية عشان اكون صاادقه معكم ، انا ماني عارفه كيف استخدم بعض الادوات ، فصرت استخدمها بطربيتي انا ، والحين صرت دااايم عليها وضروريه بالنسبه لي ..
يالله نبدا :)
اول شي ثلاث مقصات ،، واحد كبير والثاني صغير" مو من نفس المجموعه لاني ضيعته :$" اما المقص الثالث فهو مقص خاص للكيوتكل اللي هو الجلد الميت حول الاظافر
ضرووري اننا نزيله عشان يطلع منظر الاظافر مرتب وجميل ،، انا استخدمه بطريقه مختلفه شوي ،، انا اظافري شكلها زي المروحه على قولتهم فاقص بالمقص هاذا اطراف الظفر عشان يصير شكلها مربعي شوي هههههههههههه
هاذي الادوات كمان استخدمها في ازالة الكيوتكل ، اللي لونها وردي هي مخصصه اصلاً للكيوتكل
الثانيه ما ادري لايش صراحه بس استخدمها كمان للكيوتكل
طيب كيف نزيله ؟!
١- حطي مزيل على اطراف الظفر .. تلقونه في نزيه
٢- تحكين الظفر بالاداه الورديه الين تجتمع في طرف الظفر
٣- قصيها بالقصاص اللي خاص فيه
هاذي صوره توضيحيه :
ادري مصدومين ههههههههه اش علاقة فرشة ميك اب بادوات اظافر !! ههههههههههه
انا اقولكم ، شريت هاذي الفرشه من ايف روشيه وندممت عليها فصرت استخدمها عشان احط الكيوتكل
عشان انظف وارتب ، مو شرط فرشه عادي استبدليه بعود قطن :)
اللي بعدو :)
الاداه هاذي برضه ماني عارفه هي لايش بس استخدمها عشان انظف اللي تحت الظفر ، خصوصاً بعد البودي الكير ،،
المبرد الوردي هاذا فكرته نفس فكرة مبرد ذا بودي شوب اللي في الصوره اللي هو تنعيم الظفر وتعطيه لمعه تدووم ، بس مبرد ذا بودي شوب اجمل عشان حجمه اكبر :$
للي ماتعرفه : هو بيجي مرقم وانتي تمشين على حسب الترقيم بس ❤❤
انا اعشقه ودااايم استخدمه ناتجه جمييييييل مره خصوصاً على اظافر الاقدام "وانتم بكرامه"
بس المشكله اظافري ضعييييييفه واذا بردتها تضعف زياده وتصير تتكسر بسرعه :"(
هاذا ما ادري وش يصير والا كيف يستخدم والا لايش بالضبط ><
واكيييييد مبرد :)
.........................
طبعاً لاااااازم تنقعينه في مويه حراه بين كل فتره وفتره عشان تنظظف وتروح الجراثيم اللي فيها
و المفروض ان محد يستخدمها يعني تكون خاصه فيك ، واذا احد استخدمها معك لااازم تنقعينها في مويه بعد الاستخدامك وبعد استخدامها
واذا كنت تسوين بودي كير في الصلونات ، فجميل انك تاخذينها معك ، لان في امراض تنتشر بسبب هاذي الادوات ، وغير كذا قرف >< تستخدمين ادوات مرت على اظافر عشرين الف وحده قبلك ههههههههههههه
،،،
صراحه جميله الشنطه ابدداً ما اذكر سعرها لان شريتها زمان
والاريح انك تشترين اللي تحتاجين ادوات مفرده ، من الصيدليات
امممم وبس
تقريباً هاذا كل شي عن العلبه ، ترى ناقص مقص صغير ثاني بس ضيعته ><
وبس :)
اتمنى اني افدتكم ❤❤ احبكم xoxo
اعتذار :
اذا كانت النقط البيضا الصغيره اللي في الشنطه نرررفزززتتكم مثل مانرفززتني انا اسفه هههههههه
ياناس تقههر عيييت تروح رفعت ضغغغطي هههههههههههههه
Comments
Post a Comment