كيف تجهزين بشرتك للماسك ~

سلااام :)

..

كيفكم ياجميلات ❤️

الايام ذي مسويه انا ومتابعاتي جدول عنايه نمشي عليه سوا ❤️❤️

وتفاصيل الجدول هاذا في تدوينتي اللي قبل هاذي ، طلو عليها ❤️

طبعاً على حسب الجدول اليوم علينا نسوي جلسة ماسكات :)

وعشان كذا كتبت هاذي التدوينه اللي هي :

كيف اجهز بشرتي للماسك

 

..

طبعاً الخطوات هاذي جداً مهمه 

يعني لو تسوين ماسك بدونها اعتبري نفسك ماسويتي شي :(

فلازم تتبعين هاذي الخطوات عشان تستفيد بشرتك من الماسك :)

يالله نبدا :)

..

 اكييد اذا انتي حاطه ميك اب امسحيه كله زييييييين 

اولاً :  قشري وجههك ❤️

اما بمقشرات طبيعيه او مقشرات جاهزه

زي مثلاً مقشر كلين اند كلير *احبببببه* 

مع انه ماناسب بشرات كثير :(

صراحه فاتكم :/

..

واذا بشرتك جافه و حساسه جربي مقشرات فارمسي ، تلقونهم بالصيدليات وسوبر ماركتس :)

هو كريمي وحبوبه مو كثيره 

او سوو مقشرات طبيعيه "تابعوني في الانستقرام لاني هناك بكتب مقشرات وماسكات طبيعيه @rody_beauty "

..

واذا ماعندك مقشرات استعملي اسفنجات التقشير زي اسفنجات ذا بودي شوب ❤️

هي ثلاث انواع انا جربت منهم ثنتين بس

هاذي هي الانواع كلها ❤️

وهاذي اللي جربتهم :)

رايي :

اللي زي الفرشه احسها مره قويه ع البشره عشان كذا ما احبها مره .. فصرت استعملها لاقدامي *وانتم بكرامه* ويديني لما اسوي بودي كير ❤️

اما الثانيه الدائريه فاتععب وانا اقول جميله وداايم اشتريها ❤️❤️

مرررره احبها :*

^ طيب كيف تستعملينهم ؟!

حطي الغسول على وجههك بعدين افركي وجههك بالاسفنجه بعد ماتبللينها❤️

..

ثانياً : غسول :

اغسلي وجههك بغسولك اليومي اللي متعوده عليه ❤️

انا داايم استعمل غسول كلين اند كلير البرتقالي 

وحالياً اجرب هاذا الغسول من قارنييه :)

بسوي عنه ريفيو اذا خلص في حسابي بالانستقرام ❤️

..

ثالثاً : "الخطوه ذي مو ضروريه"

امسح وجهي ب"بايوديرما" هاذا المنتج مع الاستمرار يعطي نظاره للبشره بالاضافه انه ينظظف البشره ❤️ 

تلقونه بالصيدليات وسعره فوق ال١٠٠

..

واذا بشرتك دهنييه وتعاني من الحبوب خذي مسحه طبيه ومرريا على الحبه عشان تجففينها ❤️

..

رابعاً: "الخطوه هاذي تسوينه مره او مرتين في الشهر"

استخدمي جهاز البخار وعرضي وجههك للبخار عشان تتفتح المسام وهاذا الشي بيساعدك في ان  بشرتك بتكتسب فوايد الماسك بشكل اكبر ❤️

ومثل ماقلت لك مرتين في الشهر بالكثيير 

لكن الماسكات سووها مرتين في الاسبوع .. طيب كيف ما اعرض وجههي الا مرتين في الشهر ؟

وباقي الايام لما اسوي ماسكات كيف ؟

اغسلي وجههك بمويه دافيه .. هي كمان بتفتح لك المسام بشكل معقول ❤️❤️

..

خاامساً : الماسك ❤️

الحين حطي الماسك ❤️❤️

اما تستخدمين ماسكات طبيعيه او ماسكات جاهزه ❤️

بانزل في انستقرامي كذا ماسك وبتلقونهم في هاشتاقي #rb_diy

وكمان تقدرين تشترين جاهزه ، زي ماسكات بودي شوب و ماسكات ذا فيس شوب 

ذافيس شوب رووووووعه ماسكاتهم ، اتتتعب وانا اقول جميييييييييله ❤️❤️❤️❤️❤️❤️

اليوم في انستقرامي بتكلم عنهم بالتفصيل :)

وبتلقونهم في هاشتاقي #rb_review  في الانستقرام ❤️

..

حاولي بعد ماتشيلين الماسك ووجهك لسه في اثار الماسك انك تسوين مساج لوجهك .. هاذي الطريقه بتساعدك في انك تستفيدين من الماسك بشكل اكبر وبيحفزز طبقة الكولاجين في الجلد ❤️

هاذي صوره توضح كيف تسوين مساج لوجهك :

وبعد ماتغسلين وجههك خذي قطنه وحطي فيها موية ورد عشان تقفل لك المسام ❤️

....

الخطوه الاخيره : الترطييب ❤️

حتى لو بشرتك دهنييه لازم ترطبين بشرتك بعد جلسة الماسكات عشانها بتكون بحاااجه للترطيب وقتها .. استخدمي اي مرطب معاك ❤️

..

وفي شغلات اضافيه احب اسويها لما اسوي جلسة ماسكات .. اللي هي :

((تشقير))

احب اشقر حواجبي قبل ما ابدا في الماسكات ❤️ 

وانا تكلمت قبل في المدونه عن روتيني في التشقير ❤️

..

((شفايفي))

احب اقشرها وارطببها زين بعد ما اخلص من جلسة الماسكات ❤️

اللي استعمله :

مقشر ايلف e.l.f للشفايف :

مرره جميل احببببببه ❤️

..

وبعد ما اقشر اخذ فرشة الاسنان وافرك شفايفي بها .. ليه ؟ 

عشان تحرك لي الدوره الدمويه هناك وبتلاحظين اصلاً ان شفايفك وردت على طول ❤️

بس بشوييش مو بقوه 

..

المرطب اللي استعمله هو زبدة الشفايف من لابيلو ❤️ جمييل مره حبيته ❤️

..

وكمان زمان نزلت تدوينه تكلمت فيها بشكل مفصل عن العنايه بالشفايف :@

..

وبكذا اكون خلصت من تدوينة اليوم ❤️

اتمنى اني افدتكم او امتعتكم ❤️

احبكم

xoxo