اول خطوه للنجاح .. التنظيم ~

سلاااام :)

كلها كم ساعه تفصلنا ع العام الجديد 2015 الله يجعلها سنة خير وبركه وصحه لافاقدين ولامفقودين و يديم علينا نعمة الامن والامان يارحم الراحمين ❤️❤️

..

انا ما احتفل براس السنه وهاذي الامور ، معروف انها بدعه  .. لكن اقدر اقول اني متفااااائله بشكل ماينوصف  ومتحمسه لها❤️❤️❤️❤️ السنه هاذي احسها بتكون من اجمل السنوات اللي بتمر علي ❤️

..

بوست اليوم شوي متأخر بس ان شالله افيد لو وحده منكم ❤️❤️

كيف اخطط وانظم اهدافي للعام الجديد وكيف استخدم المنظمات 

يالله نبدا :)

..

ثلاث اشياء اساسيه تساعدني في التنظيم :

• دفتر عادي : اخصصه لكتابة افكاري ،خططي ، اهدافي، جداولي، مهامي ... الخ , شخصيا احس مهم يكون الدفتر انيق عشان تنفتح نفسي لما اشوفه الدفتر الجميييل هاذا اخذته من متجر قرطاسيه @qurtsyah

مكتوب عليه (على قدر حلمك تتسع الارض) اجمل من كذا :"")

..

 نوعية الدفتر كويسسه وقابل للكرف مره جودته تجنن (من ايار) لان باقي الماركات زي فيونكه ماحبيت جودته احسه لدلع بس

..

• المنظم : اللي في الصوره شريته من جرير 

مره حبيت تنظيمه وترتيبه من جوا ❤️

..

• قلم اسود جاف + اربع الوان هايلايتر 

بشرحلكم طريقة استعمالي لها في البوستات الجايه ❤️

..

 قسمت اهدافي او بالاحرى تعرفت عليها بطريقه جدا جميله :

اخذت ورقه عاديه و قسمت الصفحه لاربع اقسام ... 

• قسم (الروحانيه) :

 وكتبت كل الاهداف او الاشياء اللي ابغى اضيفها لنفسي من الناحيه الروحانيه (علاقتي بربي) .. كتبت جدول من خانتين ، الخانه الاولى السلبيات اللي فيني من الناحيه الروحانيه ، اكتبي اش السلبيات اللي فيك ، مثلاً  ما اخشع في صلاتي .. او اهمل الاذكار .. او اهجر المصحف 

وفي الخانه الثانيه حولي السلبيات الى هدف .. 

يعني انتي كتبتي في السلبيه :مااخشع في صلاتي --- اكتبي في خانة الهدف : اخشع في صلاتي :)

نفس الشي اطبقه مع كل السلبيات :

- اهجر القرآن --- اقرأ صفحتين كل يوم قبل انام

- اهمل الاذكار ---احافظ على الاذكار اليوميه

وهاكذا :))

..

• قسم الجسديه :

كتبت فيها كل الامور المتعلقه بالجسد سواءً من ناحية الاهتمام الخارجي كالعنايه او الداخي كالاهتمام بصحتي وتغذيتي :)

سويت نفس الجدول وحولت السلبيات الى اهداف ، مثلاً :

- اهمل بشرتي ---اسويلي روتين صباحي ومسائي للعنايه بالبشره 

- تغذيتي سيئه ---اكل طبق صحي كل يوم

وهاكذا :))

..

• قسم النفسي :

كتبت فيه الامور اللي ابغى اضيفها لنفسي من ثقافه او اطلاع ومن هاذي الامور ❤️

مثلاً :

- احس اني مو مثقفه --- اقراء لمدة ٢٠ دقيقه بشكل يومي :)

- احس ان نفسي حزينه ---- اتابع شخصيات محفزه في اليوتيوب :)

وهاكذا :)

..

• اخر قسم : قسم  الاجتماعي :

اكتبي فيه الامور اللي تبغين تضيفينها لحياتك الاجتماعيه .. مثلاً :

- اكون صداقات في الجامعه او المدرسه

- اختلط بالناس بشكل اكبر

وهاكذا :)

^ طبعاً كل اللي ذكرته امثله وتختلف الاهداف من وحده لوحده 

بالنسبه لهاذي الاقسام هي الاساسيه لسعادة الانسان .. ركزوا معي *سعادة* الانسان 

يعني لو مره قلتي كلمة (طفش) اعرفي انك مقصره في قسم من الاقسام الاربعه الي ذكرتها لك فوق ❤️❤️

والطريقه هاذي مجربه واخذتها من علماء نفس وفعاله بشككل ❤️❤️❤️

..

نرجع لبداية التدوينه :

قلت ان قلم الاسود واربع الوان هايلايترز مهمه بالنسبه لي .. ليه ؟

خصصت كل لون في الهايلايترز لقسم معين ❤️

• القسم الروحاني | اللون الازرق ❤️

• القسم الجسدي | اللون الوردي ❤️

• القسم النفسي | اللون الاصفر ❤️

• القسم الاجتماعي| اللون البرتقالي ❤️

..

لما اخذ دفتر اليوميات واكتب مهمه معينه ، اكتبها بالقلم الاسود واحدد المهمه هاذي تنتمي لاي قسم ، يعني ترجع لي بأي فايده ؟!  بعدين حددتها باللون الانسب .. مثلاً :

كتبت في الدفتر ( اسجل في نادي رياضي ) 

اشوف هاذي المهمه تنتمي لاي قسم من الاقسام الاربعه اللي ذكرتها ؟ .. الجسدي :)

احدد عليها باللون الوردي ❤️

طبعاً اسوي كذا عشان تنفتح نفسي لما اشوف المنظم ❤️

..

اتمنى انكم فهمتوني :)

طبعاً مايحتاج اقولكم اقرنو كل شي بالدعاااء

ادعي ربي دايم انه يحقق لك مرادك .. واذا حصل لك شي وماحققتي هدف او ماوصلتي لغايتك لاااااتزعلين كوني وااثقه انه خيررره ❤️ 

ليه ربي بيحرمك من هاذا الشي ، ليش مايحققلك غايتك هاذي ؟!

لانه هو اعرف وادرى بالجاي هو يعرف اذا الغايه هاذي خيره لك او لا .. لاتزعليين ابداً وكوني واثقه ان الخيره فيما اختاره الله ❤️

في دعاء جميييل جداً حابه اشارككم فيه (( اللهم ارزقني القدره على تغيير مااستطعت تغييره ، والهمني الشجاعة على تقبل مالا استيطع تغييره ))

..

(( ربنا اننا لانحسن التدبير واعنا على ما اردته منا من تغيير .. واكتب لنا في كل خطوةٍ التيسير ، انك بنا ياربنا لطيفٌ خبير ))

..

و اتمنى اني افدتكم او امتعتكم ❤️

اااححححبببببببكككككمممم يااجمل شي صار لي في هاذي السنه ❤️ 

الله يخليكم لي يارب ❤️ الله يسعدكم كلكم مثل ماتسعدوني دائماً بكلامكم ودعمكم ودعاويكم اللي تجيب الف عااااافيه ❤️

ا ح ب ك م :")

xoxo