العنايه قبل المناسبه ~

سلااام :)

كيف حبيباتي اليوم ؟

اشتقتلكم مررره واشتقت للتدوين ولمدونتي مرره مرررره :"(

طبعا انا ناويه ابثركم في المدونه :) صار عندي لاب جديد اخيررا فانا راجعه للتدوين وبحماس

اول شي راح انزل لكم االمواضيع اللي سبق ونزلتها في انستقرامي عشان احفظ مجهودي وعشان يسهل عليكم الوصول لها :)

موضوعي اليوم : العنايه قبل المناسبه

مو شرط تسوين هالر،تين قبل المناسبات بس !

تقدرين تسوينه مره في الاسبوع عشان تجددين نفسيتك وكذ :)

يالله نبدا ،،

اول شي راح اقول لكم نظامي قبل اي مناسبه :

اخذ شاور بعدين احط الميك اب بعدين سوي شعري بعدن  البس ... انا كذا ترتيبي دايم قبل كل مناسبه ، واخذ تقريبا ساعتين الى ٣ ساعات

الشاور زي ماهو في المعتاد بس اضيف شي مهمم جدا بالنسبه لي ❤️ اللي هو ((مقشر الزيت والسكر))

احبب اسويه دايم و قبل اي مناسبه بالذات ، ليه ؟! لانه يعطي لمعه خياليه للجسم

اللي اقصده باللمعه ، هي اللمعه الصحيه في الجسم ، يعني زي اللمعه اللي تكون في جسم نجمات هوليود زي بيونسيه او جينيفر لوبز مثلا

..

احس اذا بتبينين سيقانك او رقبتك او كتوفك لااازم تستخدمين هاذا المقشر لان الاماكن اللي ذكرتها تبين فيها اللمعه مرره 

..

الطريقه انك تحطين كميات متساويه من السكر وزيت الزيتون .. بس ، شفتوا كيف سهله ومتوفره

حطيه على جسمك وقشري بحركه دائريه باتجاه القلب .،

قشري بلطف يعني لاتتحمسين واجد بشويش عشان مايعطيك ناتج عكسي 

..

نزلت طريقة اكثر من مقشر غير هاذا في #خلطات_رودي ويعطيك نفس الناتج

..

جربوه واعطوني رايكم ؛)

..

اوك انا ادري ان كثييير يكرهون هاذا الجل ،  بس انا اموووووووووت فيه ❤️

..

احب استعمله كمرطب في الشاور الي قبل المناسبه .. ليه ؟!

لانه من المرطبات السحريه بالنسبه لي !!❤️

يعطي لمعه عجيبه للجسم ، لدرجة اني دايم ارفع البجامه واتفرج في لمعة سيقاني وانا خاااقه ❤️

كمان يعطي نعومه عجيبه ❤️

احبه مع ان كثير مايحبونه عشان يقولون يضرهم ، انا عندي اكزما ومع ذلك استعمه ، مو يعني انه مايضر !.. يعني الاغلبيه يقولون ايوه يضر .. فصرت استخدمه بس قبل المناسبات بس ❤️

"ماعندي اساس علمي يثبت اذا مضر او لا"

..

عموما جل جونسن هاذا تلقونه في الصيدليات وفي السوبر ماركتس

هو جل فكثير يتضايقون من ملمسه  يعني يلببد .. فاذا يضايقك هاذا الشي البسي بلوزه اكمامها طويله .. اوبعد ماتحطينه ترجعين تبللين جسمك شويي بس عشان يشيل التلبيد

نصيحه : البسي بلوزه طويله حتى تمتص البشره الجل ، لان يمن يوسخ شعرك لما تلبسين بلوزه عاديه :(

العنايه بالشعر ::

لازم ترطبين شعرك قبل المناسبه .. ليه ؟!

لان الاغلبيه راح تستشور شعرها او تسرمكه او تفيره ..

فعشان يطلع الناتج حلو لازم نرطب شعورنا قبل

كيف يعني حلو ؟! يعني لمعه صحيه في الشعر مو منفوش وباهت ..

طيب كيف ارطبه ؟! اما بماسكات او حمامات زيت او بديل زيت

انا شعري دهني ، ومعروف اللي شعورهم مره دهنيه نادر يلقون منتجات حلوه للشعر الدهني

بالنسبه لي انا احب ماسك قارنيه الاخضر ❤️ يرطبه من دون مايدهن شعري تكلمت عنه هنا #ريفيو_رودي في الانستقرام

مره حلو للشعور الدهنيه ، بس للاسف مو متوفر عندي الحين .. فراح استخدم فاشكول الثوم اللي في الصوره ع اليمين ،

اخذ منه كميه بسييطه على اطراف اصابعه واحطه على اطراف شعري بس ! لان لو حطيته ع الفروه ممكن يسبب قشره

..

البنات اللي شعورهم جافه او تالفه ::

خواتي يستعملون ماسك ماكديما اللي في الصوره ع اليسار ويحبونه مره ويمدحونه .. ماادري عنه والله

لااازم قبل اي مناسبه تهتمين ببشرة وجهك  هاذا الشي جدددا مهم .. ليه ؟!

لان كلنا يوم العيد بنحط ميك اب ،، فلما تحطين الميك اب على بشره حلوه وصافيه يطلع شكله مرره جميييييل❤️❤️ على عكس لما تحطين ميك اب جميييل على بشره مدموره يطلع الناتج سييء

..

طيب كيف نعتني بالبشره ؟!

البشره ماراح تنقلب وتصير حلوه في ٢٤ ساعه !!!

البشره تحتاج تغذيه سليمه / شرب ماء بقدر كافي / عنايه يوميه / عنايه اسبوعيه 

..

بس اللي تقدرين تسوينه قبل المناسبه هو انك تحطين ماسك قبل ماتحطين ميك اب ب٦ ساعات ع الاقل ، طيب عشان تستفيد بشرتك من الماسك لازم تقشرين وجهك + تغسلينه قبل تحطين الماسك ❤️

لان لو حطيتي الماسك طوالي على وجهك ماراح تستفيدين منه 

..

انا تكلمت عن الماسكات والعنايه بالبشره بشكل مفصل هنا :

http://rodybeauty.blogspot.com/2015/01/blog-post_25.html

..

اللي في الصوره ماسكات من محل ذا فيس شوب ، تهبببببل افضل ماسكات جربتها خصوصا ماسكات الكولاجين حقتهم تهببل 

يناسب جميع البشرات ..

اهم خطوه قبل اي مناسبه في الحياه ... التعطير 

مره غلط انك تكتفين بس بالعطر في المناسبات لازم تعطرين كل جزء في جسمك 

جسمك ..

لبسك ..

شعرك ..

كل شي 

راح اعطيكم ثلاث خطوات اسويها لتعطير الجسم 

((اول شي )) :

بالنسبه لي (المسك الابيض) مهم جددا ،، ليه ؟!

لانه ثابت وريحته فواحه ومميزه ❤️

،

احب المسك الابيض السايل من عبدالصمد القرشي ❤️

الحلو فيه انك تقدرين تستخدمينه كمسك او كخمريه لشعرك 

انا بعد الشاور احطه على اماكن النبض واحط نقطه منه على اطراف شعري ، لاتكثرين عشان مايدهن شعرك 

..

جربت كذا نوع من انواع المسك في عبدالصمد القرشي ، راح ارتبها لكم حسب الافضليه ::

مسك الختام *حبي* ❤️

مسك ارزة لبنان 

مسك العروس

مسك العوده ❤️

الحلو في المسك ان ريحته تختلف من جسم الى جسم 

يعني انتي تحطينه فيتفاعل مع فرمونات جسمك عشان يعطي ريحه مخصصه فيك ❤️ يعني ريحة المسك ثابته بس يختلف اختلاف بسيط لما ينحط على الشخص فيعطي رائحه مختلفه بشكل بسيط عشان يتميز بها جسمه "سبحان الله"

..

سعره المسك يختلف على حسب حجم التوله ، اللي في الصوره اصغر حجم وسعره ٦٠﷼ ❤️

..

اجمل واهم خطوه في التعطير هي ((البخور))

❤️

انا انسانه اموووووت في البخور بكل اشكاله خاصة العوده ، عشقي له مو طبيعي ريحته تقلب الموود على طول 

طبعا جننت امي من هاذي الناحيه هههههههههههههههههههه

دايم اذا جانا احد وجت تبخر الضيوف تلقى العوده مخلصه .. من خلصها ؟! رغد 

طفح كيل امي وشرت لي عوده خاصه ، لكن ماكو فكه ههههههههههههههههه خلصت حقتي وهجمت على حقت امي وخلصتها وهجمت على حقت الضيوف وخلصتها :$

..

كنت استعملها بعد كل شور ، يعني يوميا "ادمان"

بس من زماااان قطعتها  لي ٦ شهور تقريبا او اكثر صرت اتحسس من الروايح القويه زي العوده  *تهقون امي داعيه ؟!ههههههههههههههههه *

..

الزبده شطحت 

العوده مره مره مررره مهمه قبل المناسبات خاصه للشعر .. ليه؟!

لان مره غلط انك تمشين وتسلمين على الناس وريحة شعرك حريق واسبريه تفوح 

..

عن نفسي اقددر الحريم اللي لما اسلم عليهم اشم ريحتها بخور لكن للاسف ماقابلت الا حرمه وحده بس اللي ريحتها بخور

ليه ؟!

لان نادر اللي تثبت فيهم ريحة البخور

فالحل اللي انا اسويه هو :: اتبخر مرتين .. مره اول مااطلع من الشاور ابخر شعري زيييييييين وهو لسه مبلول ❤️

المره الثانيه ابخر بعد مااخلص من كل شي حتى اللبس 

بكذا تثبت فيكم ريحة البخور بشكل اكبر

..

اللي في الصوره المبخره القلم ، حبيتها  مره عمليه وحلووه ❤️❤️ ماادري من وين لكن جتني هديه "ناس تعرف تهدي هدايا على مودي ❤️" 

..

الحين نجي للخطوه الاخيره في التعطير اللي تكون قبل ماتلبسين ملابسك ::

انا عن نفسي اعشق طقوم الاستحمام ❤️

لما اتروش واستعملها واحس ريحتي تفوح احس اني في اقصى مراحل السعاده ❤️

احس حولي هاله ورديه فيها قلتر ههههههههههههههههههههه وصف يفشل بس صدق كذا احس 

..

لما تفوح ريحة العطر من قبل مااطلع من الحمام  ولما امر من الصاله وخواتي كلهم يعلقون ع الريحه 

مره مريت من الصاله ولاحظ ولد اختي الصغير عمره ٥ سنوات قال ريحتك جميله  "احساسي وقتها ياارض انهدي ماحدا قدي هههههههههههههههههههههه"

عموما مالكم بالطويله 

اللي ابغى اوصله هو : كيف تخلين الريحه الحلوه تثببت فيك وفي لبسك 

..

الحين قبل تلبسين ملابس العيد "ملابس المناسبه "

وجسمك جاف عطري جسمك بالبودي سبريه اللي مع المجموعه ، بيجون بنات ويقولون :(( لا العطر يسمر ومدري ايش !))

انا لي اكثر من ٦ سنوات استعملهم في اي وقت ولاسمرت .. طيب ليه ؟!

علميا : اي عطر او لوشن او اي شي مكتوب عليه (body) استخدميه عادي .. ليه ؟! لانه مصمم بحيث يتفاعل مع بشرة جلدك ومايضرها 

نرجع للطريقه ::

وجسمك لسه جاف بخي البودي سبريه ، بخي بخي بخي بخي بخي بخي بخي .. جد والله بخي كثير "الا اذا كانت ريحته قويه مركزه"

بعدين حطي اللوشن على جسمك "نفس الريحه او ريحه مقاربه لريحة العطر"

وبعدين البسي ملابسك الداخليه ، وبخي بخي بخي بخي بخي بخي 

وبعدين البسي ملابسك العاديه ، وبخي بخي بخي بخي هههههههههههههههه وقتها تحسين نفسك فواااحه 

طبعا مايحتاج اقول لكم لاتسوون هاذي الحركه قبل تطلعون عشان ماتفتنون الرجال  

سووها في العزايم اللي تكون في بيتكم ❤️

..

اللي في الصوره مجموعه من باث اند بودي اسمها beautiful day 

جميييله ريحته نظافه على تفاح عموما باتكلم قريب عن اجمل طقوم استحمام جربتها  ... جربوا خطوات التعطير اللي ذكرتها وادعوا لي

بالنسبه لتعطير الجسم ، في شغله حاولوا تتجنبونها في خطوات تعطير الجسم اللي ذكرتها قبل ، اللي هي ((تضارب الروايح))

كيف يعني ؟!

يعني تختلط ريحة العوده على ريحة طقم بالتفاح على ريحة عطر مدري كيف  ممكن تختلط الروايح ويطلع الناتج روايح غير مرغوب فيها ههههههههههههههه

..

الحل ؟!

الحل انك تستخدمين مجموعه روايحها متقاربه او انك تشترين مجموعه وتخصصينها للمناسبات ، انا كذا

مخصصه لي مجموعه ريحتها قويه وفخمه ، بحيث انها ماتصلح للاستخدام اليومي  استخدمها بس في المناسبات و نادر استعملها في يوم الجمعه "يعني اسوي شي فخم في عيد الاسبوع وكذا هههههههههه"

مااطول عليكم ..

ريحة مجموعتي هاذي "عوده" ❤️❤️

وتتكون من ::

• عطر جسم من نعومي اسمه غزل .. ريحته عوده بس على خفيف ، لاحظت ان كثير من متابعاتي يحبونه  هو حلو بس احسه قوي شوووي 

• لوشن ماله ريحه :: اي لوشن او حتى بيبي اويل ، او استخدمي لوشن معطر فيه ريحة عوده او مناسبه

 • بودرة العوده من #اجمل :: ريحتها عوده بس خفيفه  احطها ع الاماكن اللي تعرق اكثر من غيرها ، يعني تحت الصدر بين الفخوذ وكذا  (بس الاندر ارمز لاا) في ناس يحطون هناك بس انا مااحط ب،دره في الاندر ارمز 

• بخور عوده :: ابخر شعري بعوده طبعا واكيد 

• مسك العوده من عبدالصمد القرشي :: ريحته عوده مخفف ❤️ مره تهبل ريحته فخمه وثابته ومو قويه بنفس الوقت  مثل ماقلت لكم قبل استعمله في اماكن النبض و كخمريه للشعر ❤️

اخر شي باتكلم عنه من ناحية العطور ::

(( الثبات))

في بنات مايحبون الروائح العربيه زي المسك والعوده ، يحبون العطور الفرنسيه ويبغونها تثبت ..

امانة الطريقه ذي شفت كثير بلوقرز تكلموا عنها ومنهم وعد الله يستر عليها ❤️ لكن انا شخصيا ماجربتها 

..

الطريقه انك تحطين فازلين على اماكن النبض وتبخين فوقه العطر 

للي بيسألون عن العطر .. مااعرف اوصف ريحته  بس جمييييييييله ❤️

العنايه بالشفايف 

اللي تتابعني صح تعرف ان اكثر شي يخققني في اي مخلوق شفايفها ❤️ احس الشفايف من اجمل ملامح الوجه

لازم لازم تهتمين فيها وترطبينها خاصه ان العنايه بها سهله مره وبسييطه 

اعتني فيها قبل ماتحطين اي روج .. حتى لو في الدوام انتبهي على منظر شفايفك لاتخلين منظر شفايفك وانتي حاطه الروج بشع  مشققه ومقشره ، ترا الدعوه بسيطه ، قشري + رطبي قبل تحطين الروج .. بسسس 

..

اللي في الصوره اجمل مقشر شفايف + اجمل مرطب شفايف ❤️

مقشر ايلف *تلقونه عند التاجرات

وزبدة الشفايف من لابيلو * موجود في صيدليات النهدي

..

اذا ماعندك مقشر جاهز للشفايف عادي سوي مقشر طبيعي ❤️

عباره عن : نقطة عسل + نقطة زين زيتون + نقطة سكر  ، وزعيه على شفايفك وحركيه بحوكه دائريه .. وبس 

لما تسوين كذا تطلع شفايفك جميله مع الروج وناعمه

..

 ترطيب البشره ❤️

مممهههممم انك ترطبين بشرتك (بمرطب يناسب نوعية بشرتك" قبل تحطين الميك اب ع الاقل بنص ساعه ع الاقل 

.. اللي اقصده بترطيب البشره هو : ترطيب الوجه والشفايف وتحت العين 

ويستحب يكون المرطب خفيف وتمتصه البشره بسرعه ❤️

..

طيب ليه الترطيب ؟!

عشان تكون البشره ناعمه وماتطلع لك شقوق في خشمك وعشان يطلع ناتج الميك اب عليك حلو *حتى لو كان الميك اب بسيط*

الترطيب يعطي لمعه نديه للرجه حتى  يعطي منظر صحي وجميل 

انتهى الموضوع ..تلق،نه كامل في انستقرامي #العنايه_قبل_المناسبه_رودي

اتمنى اني افدتكم او امتعتكم 

احبكم

xoxo