افضل خلطه فعّاله لليدين (ماسك ، مقشر ، مرطب)
سلاااااام :)
كيف حبيباتي اليوم؟ ان شاء لله كويسين
تدوينة اليوم خفيييفه و سريييعه باتكلم فيها عن خلطه جميله جداً
متابعاتي الحقيقيات يعرفون اني اععشق اي شي مفعوله فوري ، لاني للامانه ما التزم فاحب الاشياء اللي تبان بسرعه
مالكم بالطويله .. يالله نبدأ :)
اللي تحتاجينه :
ملعقه صغيره حليب بودره
ملعقه صغيره نشا
ملعقه صغيره ملح الحليب ( تلقونه عند العطارين ) .. اذا عندك اكزيما في يدك لاتحطينه لانه راح يثيرها
ملعقه صغيره كركم جسم : لاازم جسم لاتحطون كركم اكل لان لونه ماراح يروح ( تلقونه عند العطارين )
ملعقه كبيره كريم كاب ( تلقونه عند العطار و السوبر ماركتس و الصيدليات كمان )
ملعقه كبيره زيت جوز الهند : هو سر جمال الخلطه ، حطوا منه ملعقه كبيره وهو جامد اذا كان سايل حطي منه ملعقتين او اكثر
اخلطي اللي فوق مع بعض ، القوام راح يكون شوي كريمي او اثقل شوي و حطيهم في علبه .. وبس:)
طريقة الاستعمال :
حطي منه على ايدك و افركي بلطف و ركزي على الاماكن السمرا و انتظري شوي بعدين اغسليه و فرشي اظافرك بفرشة الاظافر و اذا ماعندك استعملي فرشة اسنان قديمه ( لان الاظافر راح يصير لونها اصفر مع الكركم فلازم تنظفينها زين )
انا حاطه هالخلطه في علبه و حاطتها بدورة المياه و انتم بكرامه ، احط منه تقريباً ٣ - ٤ مرات بالاسبوع ، اوزعها على يدي و افرش اسناني بعدين اغسلها .. يعني ما اخليها على ايدي وقت طويل
الفوائد :
نعومه و لمعه لليد + تفتيح و توحيد لليد ( بسبب الكركم )
جربوها وادعوا لي صدق بططله
لما سويتها جمعت كل المكونات اللي عندي احبها بس ماااا توقعت ابد ان الناتج بيكون كذا جميل
اكثر اسئله جتني عنه بعد ما نزلته سناب :
ينفع احطها على وجهي و جسمي ؟
ما ادري ماقد جربت احطه على جسمي ، بس وجهك لا
اقدر استبدل اي مكون بشي ثاني او استغني عنه ؟
لا ، لاني ماجربت و ممكن ما يعجبكم
كيف احفظها ؟
في مكان بارد نفس الحمام وانتم بكرامه
وبس :)
اتمنى اني افدتكم او امتعتكم
احبكم
xoxo
Comments
Post a Comment