طريقة الحمام المغربي ~

سلااااام :)

كيفكم جميلاتي :*

تدوينة اليوم انطلبت مني وااااااجد , اللي هي طريقة الحمام المغربي المنزلي ..

الطريقه سهله وبسيطه وماهي مكلفه بس شرطها : انك تاخذين وقتك في كل خطوه و تشتغلين على مهللك وبروااق عشان تكون النتايج اجمل .. مالكم بالطويله :$

يالله نبدأ :)

اقرأ المزيد ..

اللي تحتاجونه :

- مجموعة الحمام المغربي من نزيه , سعرها تقريبا 20 ريال او اقل , وفيها كل متطلبات الحمام المغربي :*

تتكون المجموعه من : صابون مغربي + ليفه مغربيه + طين مغربي + صابون طبيعي 

اذاا ماعندكم نزيه تقدرون تشترون المكونات كل وحده لوحدها (بس مااعرف وين يمكن تلقون الطين)

- وتحتاجون زيت زيتون *او اي زيت تحبونه للجسم*

- علبة موية شرب

- جهاز السونا

- ماسك طبيعي لللجسم 

..

الطريقه :

1- قفلي جميع المنافذ في الحمام وشغلي جهاز السونا , و عبي البانيو مويه حاره .. اذا ماعندك جهاز السونا اكتفي ببخار المويه اللي في البانيو

 انتظري الين يتعبى الحمام بخار يصير زي الضباب , طبعا لاازم تاخذين معك علبة مويه في الحمام , واحرصصي انك تخلصينها وانتي تسوين الحمام المغربي , لان مع البخار يمكن تخسرين سوايل واجد من جسمك وبالتالي يغمى عليك ! فاحرصي انك تعوضين السوايل المفقوده :)

انا احب اخذ معي ساعتي كمان ههههههههههههههههههه بس عشان احسب الوقت :$

2- ادخلي البانيو ولمي شعرك كله كعكه او بقبعة الشاور *كذا اسمها ؟ ههههههههههههههههههههههه*

ماعلينا :) لمي شعرك حتى ولو كان قصير

واقعدي في الحمام لمدة خمس دقايق عشان تتفتح مسام جسمك

اول ماتدخلين البانيو دخلي معك الليفه المغربيه عشان يمديها تلين

3- اطلعي من البانيو ووزعي الصابون المغربي على جسمك كامل وانتظري خمس دقايق , بعدين اغسليه كامل ، وبعدين اخذ الليفه المغربيه وافرك جسمي كامل , وبتشوفون كيف يطلع زي الخيوط البيضا

4- بعد ماتغسلين جسمك وزعي الطين المغربي كامل على جسمك , هو زي الحجر اول ماتدخين الحمام حطيه في صحن وحطي شوية مويه , لما تجين تستخدمينه تلقينه ذاب وصار شوي سايل , وزعيه وانتظري الين ينشف بعدين اغسليه بالصابون الطبيعي :)

5- الحين حطي الماسك الطبيعي على جسمك وانتظري ربع ساعه او ثلث ساعه انتي وفضاوتك :) .. انا خليته نص ساعه

جربو الزبادي مع السدر او الزبادي مع كركم جسم , شوفو الماسك اللي يناسبكم وتحبونه

6- بعد ماينشف اغسلوه وتاكدوا ان كله رااح , بعدين فكو شعركم واغسلو , ويفضل لو يكون الشامبو طبيعي عشان تصير كل المنتجات طبيعيه هههههههههههههههههه

استخدم هاذا الشامبو من ايفروشيه للشعر الدهني , جميل بس مااحسه يناسب الشعور الدهنيه مره :$

..

قبلل ماتطلعين من الشاور رشي جسمك بمويه بااارده عشان تقفل لك المسام

7- اخر خطوه والاهم بالنسبه لي هي ((الترطيب)) الحمام المغربي مرره يجفف الجسم :(

فافضل طريقه ارطب جسمي بها هي هاذي :

اخذ زيت زيتون *استخدمي اللي تحبين او المتوفر عندك ,زيت لوز او اي شي.. بس انتبهي تستخدمين الجلسرين لوحده لانه يسمر* ادهني جسمك كامل به , صح احساس التلبيد يقررف , عشان كذا ارجعي للبانيو واغسلي جسمك ع السرريع يعني رشه بسيطه عشان يروح التلبيد بس

بعدها اطلعي ورطبي جسمك بالموجود , انا مؤخرا استخدم زبدة الكاكاو من فازلين ,تجنن :")

 واستخدمي اكيد الديودرنت وروتينك المعتاد بعد الشور :)

..

وبسس :)

اتمنى اني افدتكم او امتعتكم :)

اححببككمم :)

xoxo