جلسة العنايه باليدين ~

سلااااام :)

تدوينتي اليوم بتكون عن العنايه باليدين :)

يعني بودي كير لليدين ..

جبت لكم طريقتين كل وحده اسهل من الثانيه ..

يالله نبدأ :)

الطريقه الاولى ::

اللي تحتاجينه :

- صابونة بابايا الاصليه *اللي يكون فيها قطع من جوا*

فايدتها : تفتيح

تلقونه في الصيدليات والسوبر ماركت وعند العطارين

اقرأ المزيد ..

..

- ملح الحليب 

فايدته : ينعم ويفتح مع الاستمرار

تلقونه في السوبر ماركت وعند العطارين وفي الصيدليات

..

ليمونه

فايدتها : تفتح خصوصا المفاصل

الطريقه :

* اول شي اغسلي يدينك بصابونة البابايا زيين

* بعدها خذي الليمونه وافركي يدك بها زييين لين تحسين بان مفعول

* غسلي يدك بعدين خذي ملح الحليب وافركي يدينك بللطف ,  ولازم تكون يدك رطبه شوي عشان يذوب ملح الحليب وبالتالي تستفيدين اكثر منه

* اخر شي ترطبي بمرطب ثقيل

وبسس , انتهينا :)

اسهل من كذا ؟

تقدرون حتى تسوونه اكثر من مره بالاسبوع | او يوميا اذا تقشيركم لطيف

............................................

الطريقه الثانيه ::

اللي تحتاجينه :

- كريم جيليسوليد

فايدته : الترطيب + التفتيح

تلقونه في السوبر ماركتس والصيدليات وعند العطارين وفي كل مكان هههههههههههههههههههه

..

- مح او سكر

الفايده : حبيباته تساعدنا في التقشير

..

- ليمون

فايدته تفتيح خاصه المفاصل والمناطق الغامقه في اليد 

..

- صابونة بابايا الاصليه *اللي يكون فيها قطع من جوا*

فايدتها : تفتيح

تلقونه في الصيدليات والسوبر ماركت وعند العطارين

..

الطريقه :

- اغسلو ايديكم بالصابونه زيين

- نشفو يدينكم بعدين ادعكو ليمونه في يدينكم

بعد ماتدعكون الليمونه انثري عليه الملح او السكر وقشري بشكل دايري وبللطف

بعد ماتقشرين حطي جليسوليد فوقها وكملي تقشير ... عيدي الثلاث الخطوات السابقه الييين تحسين انك شفتي المفعول او الين تطفشين :$

اختصرها لكم :(ليمون فوقه ملح فوقه جلسوليد وارجعي حطي ليمون وبعده ملح وبعده جلسولي و...الخ) ورى بعض كذا لاتغسلينه

لما تخلصين اغسلي يدك ورطبيها باي مرطب عندك :)

ملاحظه بسيطه : حطي الجلسوليد اللي بتستعملينه في صحن صغير , لانك لو استعملتيها من العلبه مباشر بتوصخينها بالملح , يعني يجي بعدين تبغين تحطين جلسوليد تلقين فيه حبيبات ملح .. ان شالله انكم فهمتوني :(

........................

بس :))

انا جربت انواع كثييير وخلطات واااجد* تلقونهم في انستقرامي :rody_beauty * بس ماحبيتهم زي ذولي الثنتين  مره مفعولهم فوري

اتمنى اني افدتكم او امتعتكم

احبكم

xoxo