كورس العنايه لرمضان

سلاااااام :)

كيفكم حبيبيني :)

الله يسعدكم ما احلاكم وما احلى تفاعلكم مع اخر تدوينه :"(

ربي يخليكم لي :"(

اليوم موضوعي عن كورس العنايه اللي صار لي اسبوع اتكلم عنه في حساباتي واجهز له .. حماسكم غييييير متوقع يجنن يجنن يجنن :"(

بس حسييت ان فيه كثيير بنات مشتتين وماهم فاهمين ، فحبيت انزل تدوينه اوضح فيها فيها كللل شي 

يالله نبدأ :)

اول شي الكورس هذا مشترك بينني انا و البلوقر جميله والبلوقر رزان ،، حبيبي رزان هي صاحبة الفكره و منسقة الكورس وكل شي وعرضت علينا انا و جميله الفكره ومررره حبيتها ، فتشاركنا .. يعني كلنا راح نطبق الكورس هذا مع متابعاتنا :)

شايفين الحماس كيف :") مو بس انا وانتم ! انا وانتم وجميله ومتابعاتها ورزان ومتابعاتها 

طبعاً انا على طوول وافقت على الجدول لاني اثق في رزان ثقه عميااااء كل شي جربته من كلامها فادني بشكل ملحووظ 

حسابات جميله ورزان في الانستقرام :

https://www.instagram.com/beautyby.jam/

https://www.instagram.com/razan7671/

طيب الحين نبدأ نتكلم عن الكورس : الكورس شامل للجسم والبشره والشعر .. يعني كذا النظام :

البشره : تقشير + ماسك + مرطب + سيروم للهالات + تقشير شفايف + ترطيب شفايف 

الجسم : خلطه قبل الشاور + صابونيه  + مقشر + ترطيب + خلطات اسبوعيه + حمام السدر 

الشعر : عندنا نظامين الاول للشعر الجاف ، والثاني للشعر الدهني الناعم

اللي شعرهم جاف : زيت + تونك للشعر

اللي شعرهم دهني : سدر + خلطات للشعر الدهني + تونك للشعر 

..

بس :)

ادري بتشوفونه كثييير ، لكن انتي خصصي لنفسك ساعه وحده او ساعتين في اليوم كااافيه ، و هالله هالله بالالتزام ، لا تمشين معانا يومين وتسحبين ! الجميل ان كلنا مع بعض فراح تتحمسين لما تشوفين بنات معك ماشين في نفس النظام اللي انتي ماشيه عليه 

الجدول : راح ننزل لكم كل يوم ايش تسوون بالترتيب ، فلا تخافون 

الحين نجي لطلبات الكورس ، ايش تحتاجين :

 العطار او الحواج او الحواي .. تعددت الاسماء و القصد واحد هههههههههههههه : 

- صابون طاؤوس حبتين او ثلاث (نحتاجه للجسم)

- صابون مغربي افضل نوع اللي اخضر و ابيض او الصابون المغربي اللي من نزيه اختاري اللي يريحك ( نحتاجه للجسم) 

- كركم جسم خذي ابو ٥ ريال واللي فيه لون اصفر واضح افضل ( نحتاجه للجسم )

- نيله خام خذي نيلة الجسم مو نيلة الملابس يجيك حجر لونه ازررق خليه يطحنه لك او انتي اطحنيه في البيت بس الافضل هو يطحنها لك ، خذي حق ١٠ ريال ( نحتاجه للجسم )

- مره ، خذي حق ٥ ريال ( نحتاجه للجسم )

- دم غزال ، تقدرين تستغنين عنه (نحتاجه للجسم وللشفايف)

- حنه بيضاء ( نحتاجها للجسم )

- زيت لوز مر ، خليه يعبي لك من المعصره بـ ٥ ريال او ١٠ ( للجسم)

- زيت جنين القمح ، خليه يعبي لك من المعصره بـ ٥ ريال ( للبشره )

- زيت زيتون ، موجود في البيت :)

- زيت جوز الهند ، اختاري اللي يريحك اما اللي في علبه كبيره خضراء تلقينها عند العطارين او باراشون ، شوفي اللي يعجبك انتي ( للشعر ) اللي شعرهم دهني لا يشترونه 

- زيت فيتامين E ، اما انك تاخذين اللي ينباع في الانستقرام او اللي موجود عند العطارين ، خذي اللي يناسبك بس لا تاخذين الكبسولات اللي في الصيدليه  ( للبشره)

- زيت الورد ، مو ضروري 

- ٤ او ٥ علب موية ورد ( للجسم )

- عشبة اكليل الجبل ، خذي حق ٥ ريال ( للشعر )

- عشبة الاس ، خذي حق ٥ ريال ( للشعر ) 

- سدر ، خذي حق ١٠ ريال ( للبشره وللشعرو للجسم )

- حنه ، اللي شعورهم مصبوغه يبعدون عنه (للشعر)

- كريم كاب ، اللي يجي عصار  ( للجسم)

- علبة سنفرة العروس ، اذا ما لقيتوها ترا عادي مو مهم  ( للجسم )

- علبة سنفرة المشمش ، خذي اللي بـ ٥ او ١٠ كفايه واي نوع ترا عادي ( للجسم )

الصيدليه :

- علبة زبدة الكاكاو من ماركة بلمرز ، اما تاخذين هالزبده او خذي اللي سعرها ارخص من عند العطار يجي لون علبتها اصفر .. انتي وميزانيتك ( للجسم )

ـ اللي بشراتهم جااافه او يعانون من التشققات اللي هي الخطوط البيضاء او الحمراء يشترون كريم بلمرز اللي عليه صورة حامل  ( للجسم )

ـ مرطب للوجه اللي هو بيباثين ، يناسب البشرات الجافه و البشرات الدهنيه و البشرات المختلطه ، خذي الكريم اللي لونه ازرق وخط احمر لا تاخذين المرهم حق الاطفال .. تأكدي قبل تشترينه انه هو المطلوب ( للبشره )

العلب :

علب تحطين فيهم الخلطات تلقينهم دااايم في محلات ابو ريالين او محلات المواعين او بعض السوبر ماركتات .. هي نفسها علب تخزين الطعام البلاستك العاديه .. نحتاج :

علبتين كباار للصابونيه و المقشر 

٣ علب حجمها وسط لزيت الشعر و تونك الشعر و لمرطب الجسم .. يعني اللي شعرها دهني تاخذ علبتين بس 

علبتين صغاار لمقشر الشفايف و مرطب الشفايف 

وانتبهي موية الورد لا ترمين علبته لان راح نحتاجها 

خلصنا الحين من الطلبات ، بالكثيييييير راح تكلفك ٢٨٠ بالكثيير ، لكن غالباً ماراح تتجاوز ٢٣٠ ريال 

طيب نجي الحين للاستعمال :

في خلطات راح نجهزها من الحين قبل الشهر ، وفي اشياء راح نستخدمها خلال الشهر

الخلطات اللي نجهزها من الحين : الصابونيه + المقشر + خلطة قبل الشاور + مرطب الجسم + زيت الشعر الجاف + تونك الشعر + مقشر و مرطب شفايف + سيروم الهالات  .... طيب نجي الحين نجي لطريقه و الفوائد :

(( صابونية النيله ))

اللي نحتاجه : صابون الطاؤوس + موية ورد + كركم جسم + نيلة الجسم + صابون مغربي + زيت اللوز 

 الطريقه : ابشري حبتين صابون طاؤوس بعدين اضيفي عليها علبتين موية ورد وخليها تنقع ليل كامل او ٤ ساعات ع الاقل 

بعد ما تنقع اضيفي ملعقتين صابون مغربي واخلطيهم بمضرب الكيك الكهربائي الين يصير قوامها اثقل من الدريم ويب بـ شوي  .. بعدين اضيفي عليهم ملعقه كبيره نيله مطحونه و ملعقه كبيره كركم جسم و مقدار فنجال قهوه زيت لوز وارجعي اخلطي بمضرب الكيك زييين الين يمتزج كل شي .. احفظيه في علبه وبس :)

ملاحظه :

- ترا بيكون لونها ازرق بعدين راح يتغير لونها الى بني فاتح او بيج .. ترا عادي 

- وترا الكميه بتكون كبييييره وهذا المطلوب 

فوائده : التفتيح  خاصه الاماكن الغامقه زي الركب و الاكواع ، لو تستمرون تصيرون زي القشطه على قولة رزان هههههههههههههه 

طريقة استعماله : اثناء الشاور وزعيه على جسمك بعدين انتظري من ٥ الى ١٠ دقايق بعدين اغسلي جسمك .. بس 

(( مقشر الجسم ))

اللي نحتاجه : كريم العروس + كريم كاب + مقشر المشمش + كركم الجسم +نيلة الجسم + دم الغزال + زيت لوز 

الطريقه : حطي علبة كريم العروس كااامله واضيفي عليه كريم كاب كااامل و اضيفي كمان مقشر المشمش كااامل واخلطيهم زيين بعدين اضيفي ملعقة كركم جسم وملعقة نيلة جسم وشوووي من بودرة دم الغزال واخلطيهم زييييين بعدين اضيفي مقدار فنجال قهوه من زيت اللوز واخلططي زين .. وحطيهم في العلبه 

 فوائدها : التقشير يزيل الجلد الميت يعني يوحد لون الجسم مع الوقت والنيله تفتح زي ماقلت فوق و كمان ترطب الجسم 

طريقة استعماله : زي اي مقشر : وزعيه على جسمك وقشري بحركه دائريه باتجاه القلب ابدي من الاقدام واطلعي فوق 

(( خلطة قبل الشاور ))

اللي نحتاجه : موية ورد + نيلة جسم + مره مطحونه 

الطريقه : علبة موية ورد زي ماهي حطي داخلها ملعقتين نيلة جسم و ملعقتين مره مطحونه و قفلي العلبه و رجيها زييين .. وبس ، اسههل من كذا ؟

فوائدها : تفتح الجسم خاصه الاماكن الغامقه 

طريقة استعمالها : حطيها على جسمك كامل و ركزي على الاماكن الغامقه وخليها على جسمك ساعتين او اكثر وبعدها خذي الشاور 

(( مرطب الجسم ))

اللي نحتاجه : زبدة الكاكاو من بلمرز + كريم بلمرز + زيت الورد او زيت اللوز المر 

الطريقه : حطي الزبده في حمام مائي الين تذوب بالكامل بعدين اضيفي الكريم كاااامل و اضيفي ملعقه كبيره زيت الورد او زيت لوز مر وحركي زييييييين .. وحطيه في علبه 

فوائدها : ترطيب عميييييق جدداً للجسم ، وتزيل التشققات اللي هي الخطوط الحمراء والبيضاء في الجسم  وترا لو تسوين كل الكورس وتهملين الترطيب اعتبري نفسك ماسويتي شي ، مهههم مهم ممهم الترطيب 

اذا بشرة جسمك مو مره جافه او ماتعانين من التشققات استخدمي الزبده لحالها وجسمك شوي مبلول 

(( مقشر الشفايف ))

اللي نحتاجه : سكر بني او ابيض + قرفه مطحونه + عسل + زيت لوز او زيت جنين القمح او زيت جوز الهند

الطريقه : ٤ ملاعق صغيره سكر بني مع ملعقه صغيره قرفه مع ملعقه صغيره عسل مع ثلاث ملاعق زيت "اختاروا اللي يناسبكم " وحطوه في علبه 

استعماله : حطيه ع الشفايف وحركي حركه دائريه 

فوائده : يرطب الشفايف و يوردها ويعطي امتلاء للشفايف عشان القرفه 

(( مرطب الشفايف ))

اللي نحتاجه : زبدة الشيا + دم غزال 

الطريقه : زبدة شيا ذوبوها في حمام مائي بعدين اضيفوا عليها شووي دم غزال عشان يعطي الشفايف لون وردي 

وحطيها في علبه 

الفوائد : ترطيب وتوريد الشفايف 

(( سيروم الهالات ))

اللي نحتاجه : زيت فيتامين E + زيت جنين القمح 

الطريقه : نخلط كميات متساويه منهم ونحفظه في علبه 

طريقة الاستعمال : قبل النوم بنص ساعه عـ الاقل نحط كميه بسيييطه منه على الهالات ونطبطب الين تمتصه البشره

ملاحظه :

لا تكثرون عشان ماتسبب لكم اكياس دهنيه في العين 

فوائده : يرطب الهالات ويفتحها مع الاستمرار 

(( تونك الشعر ))

اللي نحتاجه : اكليل الجبل + عشبة الاس 

الطريقه : خذي ملعقة من اكليل الجبل و ملعقة عشبة الاس و حطي فوقهم كوب مويه حاره .. غطيه وخليه ينقع ٥ ساعات ، بعدين صفيه وحطي المنقوع في بخاخ 

طريقة الاستعمال : بخي منه على شعرك اكثر من مره في اليوم يعني في الصبح و في العصر وفي العشاء وكذا ، بخي في الفروه وفي الاطراف وكثثري ترا عادي مايحتاج تغسلين شعرك بعده و امشطي شعرك 

فوائده : يقلل من تساقط الشعر وينببت شعر 

ملاحظه : جدديه كل ٥ ايام لان يعفن بسرعه فانتبهي 

(( زيت الشعر ))

اللي تحتاجينه : زيت جوز هند + اكليل جبل 

الطريقه : حطي العلبه كامله في حمام مائي واضيفي ملعقتين كبار اكليل جبل .. خليه الين يبدأ الزيت يحتر وقفلي عليه .. وحطيه في علبه قزاز .. ليه ؟ 

لان زيت جوز الهند يجمد في المكان البارد ويذوب في المكان الحار ، عشان كذا حطوه في علبه قزاز عشان لما تبغون تستعملونه تحطينه في حمام مائي بس

(( السدر للشعر ))

اللي نحتاجه : سدر + زيت زيتون 

الطريقه : حطي خمس ملاعق سدر مع نص ملعقه زيت زيتون واضيفي ماء الين يصير قوامها سائل 

طريقة الاستعمال : حطيها على شعرك وخليه ساعه بعدين اغسليه مره في الاسبوع بس 

الفوائد : يجفف الفروه الدهنيه و يكثف الشعر ويطوله كمان 

(( خلطات الشعر الدهني ))

الشعر الدهني يعتبر ضعييف مقارنه بانواع الشعر الثانيه ، فلازم تكونين حريصه في التعامل معه ممكن الزيوت او الخلطات الثقيله تسبب لك تساقط وغيرها من مشاكل الشعر .. الخلطات اللي استعملها :

- الخلطه الاولى تعطي لمعه تجنن 

طريقتها : نص كوب حليب اضيفي عليه ملعقه صغيره عسل واحركي زيين بمضرب الكيك اليدوي الين يمتزج العسل مع الحليب واضيفي ثلاث نقاط زيت زيتون يعني لاتكثري

طريقة الاستعمال : وزعيه على شعرك كامل من الجذور الى الاطراف وخليه من ٢٠ دقيقه الى ساعه كامل بعدين اغسليه 

- الخلطه الثانيه يعطي نعومه وحيويه للشعر :

الطريقه : صفار ٣ بيضات + ملعقه صغيره زيت زيتون + ملعقه زيت لوز حلو + ملعقه صغيره زيت خروع  اخلطيهم زييييييين وحطيه على شعرك وخليه ساعه على شعرك - سويه مره في الاسبوع او مره كل اسبوعين 

كلل الخلطات اللي فوق احفظيهم في دورة المياه او في غرفتك عادي .. الا تونك الشعر جدديه كل ٥ ايام 

وبس :)

اتمنى اني افدتكم او امتعتكم

احبكم 

XOXO