ليش صعب علينا التعرف عل ذاتنا و ابداعنا ؟
سلااااام
كيف حبيباتي اليوم :)
انا قررت اتكلم الايام الجاي بكثثره عن التطوير و التعمق في الذات و كذا :)
بس قبل ابدأ في هالسلسله حبيت اوضح نقطه او بالاحرى اشارككم معلومات ،، اللي هي اجابه للتساؤلات التاليه :
ليه احنا في ثالث ثانوي لما يجي وقت اختيار التخصص نكون مو عارفين ايش نتخصص ؟ و مو عارفين ايش نحب ؟
و كثيير ناس في سن الثلاثينن او الاربعين يكونون لسه مو عارفين ميولهم و هواياتهم و الاشياء اللي يحبونها ؟
ليه صعب علينا اننا نعرف انفسنا ؟
هالتساؤلات جننتني فتره طويله ، و لما عرفت اجابه منطقيه ارتحت ! ههههههههههههههههه
فانا اكتب هالموضوع للي نفسي + ابغى كل البنات يعرفون هالمعلومات ، لان من وجهة نظري مهم اننا نعرف هالاشياء لاننا في يوم راح نكون امهات و بيكون لنا تأثييير قوي على اطفالنا مستقبلاً
مالكم بالطويله .. يالله نبدأ :)
السبب من الاخر يرجع لعاملين مهمممممه جدا ً اللي هم : ( المجتمع + التعليم )
الطفل يولد بنسبة ابداع عااااليه .. يعني ربي يوجدنا في الحياه و احنا مبدعيين و اذكياا
لكن بسبب التربيه او المجتمع اللي محيط بالطفل : تنخفض نسبة الابداع بشكل كبييير ، يعني لما يوصل الطفل لسن ٥ سنوات تكون نسبة الابداع عنده ١٠ ٪ !!
انخفضت لانه ما لقي دعمم كافي من لما كان صغير ، عشان كذا نشوف الاجانب يحرصوون على سنوات عيالهم الاولى
متأكده ان اغلبكم شاف في فلم او في اليوتيب اب اجنبي في حضنه نونو صغييير ممكن لسه ما كمل سنه و قاعد يقرأ له قصه ..!!
ليه ؟ لان علمياً مره مهم تورين الطفل الكتب من بداية عمره عشان يتعود عليها و يحبها و لما يكبر ما يستغني عن القراءه .. و الاجانب حرييصين على هالشي ، عشان كذا دايم الاجانب يحبون الكتب القراءه و مثقفين
لما يصير عمر الطفل سبع او ثمان سنوات ينخفض ابداعه الى نسبة ٢٪ !!!
و سبب هالانخفاض هو المدرسه :)
التعليم التلقيني اللي الكل يشكي منه هو سبب قوي لقتل ابداع الاطفال
هذي هي الاسباب
صراحه انا اول ماعرفت هالمعلومه تمنيت اني ما عرفتها ههههههههههههههههه السبب هو اني كرهت المدرسه بشكل فضيع !! و بديت القي اللوم عليها ! بعدين اكتشفت ان اللي اسويه غللللللط !
قمة الغباء انك تلقين اللوم على اي احد .. مهما كانت مشكلتك ! انتي وحدك المسؤوله عنها ، و اذا تبغين تحلينها .. بيمديك تحلينها :)
صح كرهت المدرسه ! بس استسلمت و بديت اشتغل على نفسي و ابحححث الين عرفت نفسي
حالياً انا عارفه شغفي و هواياتي و ابداعي و كلل شي .. و الايام هذي قاعده اجهز لكم مواضيع كثيره عن كيف تكتشفين ذاتك يعني اشارككم معلوماتي اللي جمعتهم السنوات اللي فاتت و اشارككم تجاربي.. و متأكدده انكم راح تستفيدون منها كثيييييييير
هذا ممكن اقصر موضوع كتبته بحياتي ههههههههههههه طبعاً انا اختصرت اممه لكم لان ما ابغى اطول السالفه و هي قصيره ، اعطيتكم الزبده اللي بتفيدكم ، و متأكده بتحبونه لاني اعرف جوكم :)
و بس :)
اتمنى اني افدتكم او امتعتكم :)
احبكم xoxo
Comments
Post a Comment