جلسة عنايه بالبشره~

السلااااام :)

قلت لكم انا مابسحب على جدول العنايه اللي سويته , باسويه بس متأخر .. للان جدد انشغلت الايام اللي راحت :(

كان علينا في الجدول : جلسة ماسكات

وفي هاذي التدوينه راح اشارككم بالخطوات اللي اسويها في جلسة الماسكات او باختصار كيف تعتنين ببشرتك ؟

انا ما اتكلم عن العنايه اليوميه , اقصد العنايه الاسبوعيه :)

يالله نبدأ :)

اقرأ المزيد ..

1- اقشر وجهي :

استخدمي اي مقشر متوفر , واذا ماعندك سوي اي مقشر طبيعي للوجه , نزلت قبل كذا مقشر للوجه في انستقرامي @rody_beauty  وعشان توصون للمقشر بسرعه ادخلو هاشتاقي الخاص #rb_diy  :)

او استخدمي اسفنجة التقشير , تلقونها في ذابودي شوب

2- غسلي وجهك بغسولك اليومي :

 في ناس يقولون اكتفي بالمقشر ماله داعي غسول .. خطأ !

المقشر له وظيفه والغسول له وظيفه ماينفع تستخدمين واحد بس ..

الغسول ينظف بس مايشيل الجلد الميت , والعكس مع المقشر

احب استخدم مع غسولي *واضح اني كارفته هههههههههههه* اسفنجة تقشير يومي من ذابودي ششوب , مااحسها تقشر لي زين فاستخدمها يوميا عادي :)

^ الخطوتين السابقه ضرووووريه جدا قبل ماتحطين اي ماسك على وجهك , يعني لو حطيتي ماسك وتجاوزتي الخطوتين السابقه تأكدي ان بشرتك مااستفادت من الماسك :(

3- حمام بخار للوجه :

 وهاذي الخطوه سويها مره في الشهر كفايه لانك لو سويتيها بكثره بتضرين بشرتك ..

ماراح اتعمق في الموضوع لان الجميله وعد نزلت بوست ذكرت فيه بالتفصيل فوايد حمام البخار للبشره

هاذا هو البوست حق وعد :)

http://waad-beauty.blogspot.com/

4 - الماسك :

ولك حرية الاختيار اما ماسك طبيعي او جاهز 

اللي في الصوره ماسك الكاكاو , بانزل طريقته اليوم باذن الله في انستقرامي rody_beauty :)

انصحكم مرررره باستخدام فرش الماسكات , ترى والله فررق ملحووظ .. الحين ماا اقدر استغنى عنها , اصلا مادري كيف كنت احط الماسك بدونها :$

5- قفلي المسام :

 اما باستعمال موية ورد او ثلجه , او سوي مكعبات ثلج بموية الورد :)

انا دايم استخدم موية الورد

6-  اخر خطوه واهم خطوه : الترطييب

استخدمت اليوم كريم اولي للوجه , وكريم بوندز للعيون ..

وبسسسس :)

اتمنى اني افدتكم او امتعتكم :)

ااححببككمم

xoxo