كيف تبدين تعتنين بنفسك ~

سلاااااام :)

كيفكم حبيباتي :*

..

بوست اليوم من زمان نفسي اتكلم عنه بس مدري ليش تأخرت :/

متأكددده ان البوست هاذا بيفيد بنات كثيير ❤️

البوست اليوم عن : بدايتك في عالم العنايه 

كثير بنات يسألوني في الاسك او في الدايركت : رودي كيف ابدا في العنايه .. رودي كيف اهتم بنفسي ... اليوم باتكلم كيف "تبدين" في هاذا المجال ❤️❤️

يالله نبدأ :)

انا قد تكلمت قبل عن كيف بديت في العنايه .. هاذي هي التدوينه اللي تكلمت فيها عن بدايتي : http://rodybeauty.blogspot.com/2015/06/blog-post_23.html

انا بديت بخمس منتجات بسس ! 

والحين صارت عندي منتجات كثييييييييييييره يعني ابداً لاتفكرين انك تبدين بخطوه كبيره ابدي بخطوات صغيره عشان ماتتحطمين 

يعني انا زمان اذكر رحت صيدليه اقلد بنت شفتها في منتدى وشريت اغراض كثيييييره وبعدين ماالتزمت على اغلبها .. تحطمت ، ليه ؟! لاني ماسويت شي .. فعشان ماتتحطمين ابدي حبه حبه 

طيب كيف ابدأ حبه حبه ؟!

الحين عندنا ثلاث اشياء اساسيه لازم نهتم فيها:

١- بشرتنا 

٢- جسمنا

٣- شعرنا 

راح نستخدم لكل شي منتجات اساسيه بسيطه .. يعني :

١- بشرتك :

حطي في دورة المياه غسول خاص بك يناسب نوعية بشرتك و حطي في غرفتك ع التسريحه مرطب خاص لبشرتك + مرطب للشفايف

وكل يوم اول ماتقوين و قبل تنامين استعمليهم 

..

٢- جسمك :

جيبي سله او صندوق وخصصيه لمنتجات الشاور .. حطي فيه غسول جسم (انصحكم بغسول دوف) 

+

شامبو و بلسم

+

مرطب للجسم (انصحكم بلوشن دوف او لوشن بلمرز اللي عليه صورة حامل)

+

مزيل للعرق 

وكل يوم اذا بتتروشين خذي هاذي السله معاك واذا خلصتي من الشاور رجعي اغراضك في السله وخذيها معك في غرفتك ❤️

٣- الشعر :

زي ماقلت فوق في السله الشامبو والبلسم الخاص فيك  ، وكمان حطي زيوت وخلطات خلال الاسبوع ❤️

..

بكذا تتعودين على العنايه وبتصير بالنسبه لك شي ممتع وسهل وبسيط ❤️❤️

بس فيه سؤال : كيف اعرف ايش المنتجات اللي تناسبني ؟!

الاجابه وبكل بساطه اما انك تسألين بلوقرز بشرتهم نفس نوعية بشرتك او شعرهم نفس نوعية شعرك .. او تسألين الصيدلي عن غسول يناسبك او شامبو .. او تراجعين طبيب جلديه اذا بشرتك مرره بحاجه لعلاج او شعرك 

.. كمان نصيحه بسيطه ..

اذا رحتي عند الصيدلي لاتختارين اول منتج يطلعه لك لانه على الاغلب راح يطلع لك المنتجات الغاليه .. انتي اطلبيه يوريك كل المنتجات اللي تناسبك وانتي اختاري اللي ترتاحين له او يناسب بشرتك 

وبس :)

الموضوع بهاذي البساطه والله وابسط بعد ❤️

انتي لاتضغطين نفسك لان مع الايام راح تزيدين المنتجات في سلتك ويصير عندك منتجات كثيره + يصير عندك خبره في المنتجات والشركات اللي تناسبك ❤️❤️

اتمنى اني افدتكم او امتعتكم 

احبكم 

xoxo