كل شي يخص تقشير الجسم ~

السلااام :)

كيفكم جميلاتي ❤️

اليوم عندنا في جدول العنايه ((تقشير)) 

باتكلم عن افضل المقشرات اللي جربتها وروتيني في التقشير .. وانتي استخدمي المتوفر ❤️

اقرأ المزيد ..

اكثر سؤال انسألت عنه (اش الفرق بين التقشير والصنفره)

غلط ان نحط فرق بين التقشير والصنفره لان كلها اساساً نفس الشي بس تقدرين تقولين (تقشير صنفر / وتقشير كريمي )

تقشير الصنفره : زي مقشر الزيت والسكر يكون قوي .. وماتستخدمين معه قفاز تقشير او ليفه

..

تقشير الكريمي : يكون زي الكريم و حبيباته صغييييره وتستخدمين معاها ليفه او قفاز تقشير

.

تمام ، الحين عرفنا الفرق بينهم ، نجي الحين للمقشرات الجاهزه والطبيعيه اللي جربتها ❤️

الجاهزه :

اجممل مقشر جاهز جربته

مقشر flak away من سوب اند قلوري :

جمييل مره مررره يعطي لمعه تهبل للجسم + نعومه ريحته تهببببل وحبيباته كبيره (يعتبر صنفره)

تستخدميه قبل تخلصين من الشور .. يعني اذا خلاص خلصتي من الشاور اطلعي من المويه وجففي جسمك ووزعي المقشر على جسمك وحركيه بحركه دائريه في اتجاه القلب 

لا تشديين وانتي تحركين ولاتنعمين بزياده .. استمري حتى تذوب اغلب الحبيبات 

متواجد في صيدلية بوتس سعره فوق ال100﷼

مقشر breakfast من سوب اند قلوري :

اكثر شي لاحظته في هاذا المقشر انه يعطي نعومه يعني تحسين بشرتك مرططبه لما تستخدمينه ، ريحته حلوه بس مو الكل يتقبلها 

استخدمه وجسمي مبلل شوي واقشر بالطريقه الي ذكرتها فوق بحركه دائريه 

من صيدلية بوتس سعره فوق ال100﷼

مقشر نايتشرز باونتي بالصندل :

اول شي ريحته مزعجه ، فشميها قبل تشترينها 

الحلو فيه حبيباته كثيييره فاحسه يقشر الجسم صحح يعني يشيل كلل الجلد الميت في جسمي + كمية كبيره احسه يقعد معي فترات طويله 

اخذتها من نزيه ب25 ﷼

..

مقشر زيت الزيتون من ذابودي شوب :

الحلو فيه ان تقشيره خفيف يعني يمكن يناسب البشرات الحساسه ، ويرطب لي بشرتي شوي بعد التقشير 

تلقونه في ذا بودي شوب وناسيه سعره 

..

مقشر كريم كاب :

مقشر كريييمي حبيباته شوي مع الاستمرار يفتح لون الجسم ، يناسب البشرات الحساسه 

تلقونه في نزيه وعند العطارين 

مدري كم سعره والله

..

مقشر ملح الحليب :

هو حبيبات تشبه الملح تفتح وتنعم ❤️

طرق استعمالها كثيره ، منها :

• حطي منه مع شوي من زيت جونسن يعطي نعومه مااااتنوصف

  

• وزعي كريم كاب على جسمك وانثري شوي من ملح الحليب عشان تزيد الحبيبات ويقشر زين

• بعد ماتخلصين وجسمك مبلول بالمويه انثري ملح الحليب على جسمك الين تذوب الحبوب 

المقشرات الطبيعيه

افضلها صراحة عن الجاهزه ليه ؟! لان مفعولها اجمممل بكثير من المقشرات الجاهزه 

مقشر الزيت والسكر ؛

اسهل مقشر في التاريخ ومفعوله خوراافي ❤️❤️ حطي كميات متساويه من زيت الزيتون ومن السكر .. بس

يعطي نعومه ولمعه خورافيه للجسم احببه مره 

اذا تبغين يفتح الجسم اعصري نص ليمونه مع المقشر 

مقشر اللوز :

هاذا الافضل في العالم صراحه ❤️❤️❤️

بيالة شاهي سكر 

نص بيالة الشاهي زيت زيتون

ملعقة لوز مطحون

ملعقة عصير ليمونه

ملعقة بشارة الليمونه 

احلظوها في علبه واستخدموها في اخر الشاور بعد ماتخلصين جففي جسمك وقشري جسمك به ❤️

روتين كنت اسويه زمان للتقشير يعطي ناتج جداا جميل ❤️

• تربعي في الحمام  يعني خوذي رااحتك وبلاها شغل سريع سريع

• استخدم مقشر  عباره عن فنجالين قهوه سكر وفنجال قهوه زيت زيتون وفنجال قهوه زيت لوز  احطهم على جسمي وهو جاف لسه وافرك بحركه دايريه وبشويييش الين اطفش 

• بعدين اغسل جسمي واستخدم الشاور جل 

• بعدين انشف جسمي واوزع كريم كاب على جسمي واخليه من ٢-٥ دقايق 

•انثر عليه ملح الحليب  عشان يساعدني في التقشير ، وابدى اقشر بشكل دايري وبشويش اليين اطفش 

• اغسل جسمي ، واكمل الشاور عادي 

..

وبس

وبكذا انهيت موضوعي 

اتمنى اني افدتكم او امتعتكم 

احبكم 

xoxo