العنايه بالشعر الدهني من الالف الى الياء ~

سلااااام :)

كيف حبيبيني اليوم ؟

.

واخييراً نزلت تدوينة العنايه بالشعر الدهني :)

دايماً احنا اصحاب الشعور الدهنيه مسحوب علياً يعني ناااادر اشوف احد يتكلم عنا و يفيدنا .. لكن ولايهمكم خلاص ، اليوم جايبه لكم كللل شي ممكن يساعدنا ويفيدنا احنا اصحاب الشعو الدهنيه :))

مالكم بالطويله ، يالله نبدأ :

.

راح اتكلم عن الموضوع بالترتيب التالي :

- الاكزيما الدهنيه 

- انواع الشامبو للشعر الدهني | اللي جربتهم

- افضل ماسك جاهز للشعر الدهني

- افضل سيروم جربته للشعر الدهني

- منتجات طبيعيه للشعر الدهني 

- خلطات طبيعيه للشعر الدهني

واكيد راح اتكلم في المواضيع السابقه عن القشره وعلاجها | لمعة الشعر | تجفيف الفروه | تخفيف النفشه | الخلطات المناسبه للشعر الدهني .. وغيرها 

(( الاكزيما الدهنيه ))

انا بنت كنت اعاني بشكل مو طبيعي من الفروه الدهنيه ، يعني بدون ايي مبالغه كان يدهن في اقل من ٢٤ ساعه !!!

وكنت في الثانوي مستحييل افك شعري ، دااايم لامته ! لان لو فكيته يدهنن بشكل مقرف 

اسوء احساس هو لما يدهن شعرك !! لان اللي يشوفك يقول هذي لها سنه ماتروشت .. وانا ماكملت ٦ ساعات من اخذت الشاور "( لكن شعري فشلني "(

المهم : طفح الكيل ولا قدرت اتحمل اكثر من كذا !!! :((

رحت راجعت عند طبيب جلديه (( بنات ابها والخميس : راجعت عند الدكتور محمد العسكري في عيادة ليزران ))

سردت له مشكلتي ، ولما فحص الفروه قال بان الفروه ممتازه يعني مُعتنى فيها لكن تعاني من اكزيما دهنيه !!!

وانا اقوووووول الوضع مو طبيعي طلع عندي اكزيما :"(

اللي سواه الدكتور هو انه صرف لي شامبو طبي وحبوب تشبه حبوب الروكتان تجفف لي الفروه 

هذي هي الحبوب اسمها كواركني ، طبعاً ماتنصرف الا بوصفة طبيب ، عشان هالحبوب خطيره .. هو اعطاني بنسبة 10٪ حبه وحده في اليوم .. اما بالنسبه للشامبو فباتكلم عنه تحت :)

تجربتي مع حبوب كواركني للشعر : اذكر اول شهر استعملتها فيه جتني حاله غرييبه ! اللي هي : انفس وارووق من دون سبب ، يعني في نفس الساعه اروق اروقق اروق لدرجة اقعد اغني وارقص ههههه وبعدها بدقايق انففس واحزن وابكي  .. من دون سبب ! شكيت في الحبوب ، فرحت للطبيب وقلت له قال لي كويس تكلمتي وماسكتي ! فقال استعملي يوم حبه ويوم لا .. واذا حسيتيها مافادت ولسه النفسيه متذبذبه راجعيني اصرف لك نوع ثاني .. لكن الحمد الله مااحتجت اصرف النوع الثاني

مايحتاج اقول لكم كيف تغير شعري 180 درجه مره مره مرررره تحسن ، في الجامعه دااايم فاكته ، وعاادي لو اقعد يوم كامل مااغسل شعري فيه :"""")

اذا تحسين فروة راسك دهنيه بزياده لااا تترددين في زيارة طبيب جلديه عشان يساعدك ، مو شرط يكون سببها اكزيما "بعيد الشر عنكم" بس عشان تعرفين السبب عالاقل

(( شامبوات الشعر الدهني ))

طبعاً لو نقسم الشامبوات فراح يكون التقسيم : طبي \ تجاري \ طبيعي 

جربتهم كلهم وراح اسرد تجربتي تحت :)

من اليمين :

1 شامبو طبي :DUCRAY 

هو الشامبو اللي صرفه لي الطبيب 

طريقة استعماله : احط منه مرتين في الشاور المره الاولى تكون ع الفروه بس وانتظر ٣ دقايق بعدين اغسل الفروه .. المره الثانيه احط منه على شعر كامل بعدين اغسل على طول .. استعماله يوم ايوه ويوم لا :)

قال لي الطبيب استعمليه لوحده .. اذا حسيتيه فادك استمري عليه ولا تستعملين الحبوب ، بس مافادني مع الاسف فاستعملته مع الحبوب 

2 شامبو طبي : شامبو لسن بلو 

لو بتسألوني يارغد ايش اكثر شي تحبينه فيك ؟ فراح تكون الاجابه اكييد : لون شعري ")

مغرمه في لون شعري بشكل ماينوصف ، عشان كذا مااقدر اصبغ اخاف اعدمه ، واحب البس اللون الاسود عشان يبرز لون شعري ")) .. شطحت ههههههههه يالله نكمل :

مع مرور الزمن ( من المتوسط الى الثانوي ) حسيت شعري صار بااهت ، و فاقد للمعته ، ماكنت عارفه ايش السبب .. الين جا يوم وخلص الشامبو حقي فاستعملت سلسن بلو حق اختي .. من بعد اول استعمال حسيت رجع اللون لشعري وحسيت لمعته القديمه رجععت فمن بعدها عشقققته .. طبعاً هو للقشره لكن الحمد الله نادر تطلع لي القشره فما عندي خلفيه عن فعاليته ضد القشره 

3 شامبو تجاري : هيد اند شولدر بالليمون

مافيه شي ينقال عنه صراحه ههههههه .. مدري بس ماحسيت فيه زود ، ممكن هو كويس للقشره بس زي ماقلت لكم ماعندي خلفيه عن فعالية المنتج ضد  القشره .. اما من ناحية تنظيفه للفروه فاحسه اقل من عادي ، يعني مااحسه ينظف الفروه من قلب .. اشتريته عشان بس يعطيني شوي انتعاش لي وانا اتروش ومالاحظت شي من هالناحيه 

4 شامبو تجاري : بانتين - كثافه وحيويه ( اللي لونه بنفسجي )

اذكر وانا في المتوسط مرت علي حاله عجيبه ، كنت مهما اغسل شعري ماينظف !!! حاولت انا وحاولت امي تغسله هي .. بس مااش ماكان ينظف ابداً كان مدهههن مرره خاصه من منتصف الراس ، طبعاً تأزمت من هالحاله مرره ، وامي مابقت خلطه ماجربتها ! وبرضه مافاد .. فالحل كان اني غيرت نوعية الشامبو "مدري كيف ماطرت على بالنا الفكره من البدايه" استعملت شامبو بانتين وحل المشكله من اول استعمال .. صراحةً مااافيه مثله في تنظيف الفروه ينظفها من قلللللللب قلب قلبب .. لكن للاسف هو قويي مره على الشعر فيجفف الشعر مره ، هو سبب فقدان لمعة شعري لما قلتلكم قبل ، ليه ؟ لاني كنت استعمله بشكل يومي !! فطبيعي يعدم شعري .. فصرت استعمله مرتين في الاسبوع لما احس شعري مررررره مدهن ، وماا استعمله لوحده ابدداً استعمل معاه ماسك مرطب راح اتكلم عنه تحت 

5 شامبو طبيعي : شامبو للشعر الدهني من ايفروشيه

اللي يميزه انه خالي من جميع المواد الضاره بالشعر فابداً مايضره ، جميل صراحه بس مااحسه ينضف الفروه زيين  + مااحب ريحته 

الزبده انه يناسب البنات اللي يخاافون على شعورهم 

نجي الحين الى ترتيب الاستعمال :: سويت جدول بحيث استعمل كل يوم شامبو .. فالترتيب هو

الاحد: بانتين - الاثنين: الشامبو الطبي - الثلاثاء: سلسن بلو - الاربعاء: الشامبو الطبي - الخميس: سلسن بلو - الجمعه: هيد اند شولدر - السبت:ا لشامبو الطبي 

الحين بيجوني بنات مدرعميين يقولون موو زين الشاور كل يووم ههههههههههه

لما زرت الطبيب سألته هالسؤال كنت ابغى اجابه من شخص خبير فكانت اجابته : المشكله مو في الشامبو .. المشكله في المويه ، حاولي لما تاخذين شاور انك ماتعرضين شعرك لمويه لفترات طويله خاصه المويه الحاره لانها هي اللي تعدم الشعر ، بس مافيه ضرر من استعماي الشامبو يومياً 

.

معلومات عشوائيه عن استعمال الشامبو :

-  قريت معلومه زمان اللي هي ان الشعر يتعود ع المنتج ، فلما تستخدمين منتج واحد لفترات طويله شعرك راح يتعود ع المنتج فمايعطيك الناتج المطلوب .. والصدق اني ما آمنت بهالمقوله الا لما شفت الناتج بعيني .. والله العظيم شعري متغيير من لما صرت استعمل اكثر من نوع شامبو .. طبعاً مااقولكم استعملوا اربع شامبوات زيي هههههههههههه لان غلط اللي اسوي ،  انا ماسويت كذا الا عشان ابغى اخلصهم و افتك ، قاعدين على قلبي هههه

انتم استعملوا اثنين كفايه ، قبل فتره كنت استعمل بانتين يوم و سلسن بلو يوم ، ومن وقتها لاحظت الفرق في شعري 

. 

-  لما تستعملين الشامبو لاتحطينه طوالي على شعرك .. اول شي افركيه بين يدينك الين تطلع الرغوه ، بعدها حطيه على شعرك 

-  لو بتغسلين شعرك اغسلي الفروه بس ، ولا تركزين على اطراف الشعر، لان اساساً لما تغسلين شعرك راح ينزل الشامبو على الاطراف وينظف الشعر 

- اخر غسله لشعرك خليها بالمويه البارده 

(( افضل ماسك جاهز للشعر الدهني ))

ماسك قارنيه الاخضر ، اصحاب الشعور الدهنيه يعانون دايم من الماسكات ، لانها تدهن شعورنا دايم :"(

فجربت يوم استعمل هالمنتج على مدح يوتيوبر مرره اثق فيها .. وزي ماتوقعت المنتج ببططلل 

الجميل فيه ان يرطب الشعر ويهجدده ، داايم استعمله بعد شامبو بانتين لان بانتين ينشف الشعر وهذا يرطبه لي

كمان لما اروح البحر .. موية البحر تعدددم الشعر فدايم استعمله 

طريقة استعماله : بعد ماتحطين الشامبو وتغسلينه خذي منه كميه بسسسيطه باطراف اصابعك زي اللي في الصوره وحطيها على شعرك من عند الاذن وتحت ، لااا تحطينه على فروة شعرك ابداً ، بعدها لمي شعرك ، وقبل تطلعين من الشاور فكي شعرك واغسليه ، يعني خليه 3 الى 5 دقايق بعدها اغسلي شعررك زيين 

(( افضل سيروم للشعر الدهني ))

من زماان نفسي استعمل سيروم لشعري ، بس اخاف انا من اني اجرب شي مايناسب شعري ، لكن في الاخير هزمت مخاوفي وجربت هالسيروم اللي جاني هديه من الجميله SWANMALL "حساب الانستقرام" وصراحةً هي اللي شجعتني اجربه

الفوايد اللي يعطيني اياها كثييره ، لكن انا مااعجبني فيه الا شي واحد اللي هو انه مايدهن الشعر ، مرررره انبسطت لانه ناسبني .. استعمله عشان يحمي شعري من الحراره وعشان يهجد شعري ويمنعه من التطاير 

طريقة الاستعمال : حطي منه نقطه على اطراف اصابعك بعدين افركيه بين اصابعك ووزعيه على شعرك اما وهو مبلول "قبل تجففينه" او وهو جاف "بعد ماتجففين شعرك"

((مواد طبيعيه مفيده للشعر الدهني )) 

- الخل : افضل علاج للقشره

"البخاخ اللي ع اليسار"

مافادني الا هو لما عانيت من القشره :")) 

احط منه في بخاخ ، وقبل الشاور وشعري لسه جاف ابخ منه على الفروه ، بعدين اسوي مساج شوي .. اخليه 5 دقايق تقريباً بعدين اغسل شعري في الشاور .. مفعوله جمييل لكن الله يعينكم ع الريحه

ـ البابونج :

"البخاخ اللي ع اليمين"

معروف البابونج بانه يفتح لون الشعر ، انا ادمننته خصوصاً ان ناتجه يبان مع اول استعمال .. كمان احبه لانه يعطي لمعه شقرا لشعري فاللمعه هذي تعطي منظر صحي لشعري .. مرررره احبه ومرررره انصحكم فيه 

طريقته : تاخذين بابونج ورق زي اللي في الصوره "تلقونه عند العطارين"  وتنقعينه فتره في في كاسة مويه ، بعدين صفيه وحطيه في بخاخ ، بعد كل شاور لما تخلصين خلاص حطيه على شعرك كامل بخي منه الين تحسين خلاص شعرك مليان من منقوع البابونج بعدين خليه فتره على شعرك من 3 الى 5 دقايق بعدين مرري مويه على شعرك وخلاص ، مع العلم انهم يقولون عادي تخلينه على شعرك وماتغسلينه ابد ، للامانه ماجربت ، بس يقولونه :|

((خلطات للشعر الدهني ))

- السدر :

 علاج الشعر الدهني ، معرووووف مايحتاج اتكلم عنه ، الكل عارف فوايده من تكثف لتطويل لتجفيف الفروه .. فراح اعطيكم الطريقه على طول : حطوا خمس ملاعق سدر واخلطوه مع مويه الين يصير قوامه سائل واضيفوا ملعقة زيت زيتون واخلطي  بعدين خليه نص ساعه عشان يتخمر بعدين حطيه على فروة شعرك ولفيه بسفره "انا استعمل سفره هههههههههههه" خليها ساعه بعدين اغسلي شعرك

اول مره استعملت هالطريقه طللللللعت روحي وانا اغسل شعري ، عيا ينظف مرره ، بس بعدين قالوا لي عادي لان لما يجف شعرك راح ينظف .. يعني لا تخافون :)

- خلطة الحليب :

اخذت هالطريقه من اكثر يوتيوبر تحمسني واثثثثثق فيها بشكككل 

اللي خلاني اجرب طريقتها هو ان خفيف قوام الخلطه "تناسب الشعور الدهنيه فقط" .. احنا اصحاب الشعور الدهنيه ماتناسبنا الخلطات الثقييله مره .. تسبب لنا تساقط ، فدايم احرصي انك تستعملين الخلطات الخفيفه زي هذي

طبعاً اللي فتني فيها هو انها تعطي لمعه تجننن للشعر ، لما سويتها كلل شوي اروح عند امي وااقول لها ماما شووفي لمعة شعري " ابغاها تمدحني هههههههههه "

الطريقه : نص كوب حليب او اكثر "حسب طول شعرك "

ملعقة عسل 

اخلطييهم زين بخلاط الكيك اليدوي الين تحسينهم اندمجوا سوا

بعدين اضيفي نقط زيت زيتون واخلطي 

حطيها في علبه زي اللي في الصوره وحطي منه على الفروه وهي جافه وسوي مساج للفروه وحطي كمان عالاطراف ، بعدين لمي شعرك وانتظري 20 دقيقه .. بعدين روحي تروشي 

اسهل من كذا ؟

وبسس :)

بكذا اكون خلصت موضوعي اليوم :)

وترقبوا تدوينه ثاني للشعر الدهني قريباً "جزء ثاني" .. اشوقكم يعني ههههههههههه

اتمنى اني افدتكم او امتعتك 

احبكم 

XOXO