عنايتي بالشفايف + طريقتي في توريد الشفايف ~

سلاااام :)

وحده من اكثر المواضيع المطلوبه عندي واللي انسأل عليها هو ( كيف نورد الشفايف / طريقة توريد الشفايف / كيف اهتم بشفايفي .... الخ )

مع العلم اني تكلمت عنها في الانستقرام وفي السناب بعد بس لسه يتكرر عندي السؤال فقلت لازم اوثق الاجابه هنا :)

اسهل شي في الحياه العنايه بالشفايف .. بسيطه ومفعولها فوري

مالكم بالطويله ؛ يالله نبدأ :)

لما تسمعين عنايه بالشفايف .. على طول حطي في بالك شيئين :

١ ترطيب

٢ تقشير

.. وسلامتك ، التزمي عليها وتصير شفايفك زي الورده :)

(( تقشير الشفايف ))

التقشير يكون من مرتين الى ثلاث مرات في الاسبوع

جربت انا في حياتي ثلاث مقشرات + طرق طبيعيه

الاول كان من ذا بودي شوب وكان مقشر ذابودي شوب فااااااشل لابعد حد .. ما كأنك سويتي شي ابدد

الثاني كان من شركة e.l.f مقشر ايلف بطططل مره حبييته وحبيت نكهته وكلل شي ههههههههههههه كمان تحسينه يقشر صحوتحسين بفرق معه .. جميل جدا .. سعره رخيص وتلقونه عند تاجرات الانستقرام

اخر شي هو مقشر طبيعي من جوليا بيوتي ، اتعب وانا اقولكم بططل :"(​

يقشرر من قللب + يورد بشكل بسيط + ريحته وطعمه يجنن :") .. لكن اكثر شي احبه فيه هو قوامه ، عجززت اطلع بنفس القوام وانا احاول اسوي طرق طبيعيه في البيت .. توفرها في متجرها ، حسابها :jolie8beauty 

(( ترطيب الشفايف ))

الترطيب يكون بشكر يومي ومتكرر

حطي قدام المرايه مرطب وكل مامريتي من عند المرايه رطبي شفايفك .. ببساطه :)

وحاولي يكون المرطب اللي تستعملينه فيه نسبة وقايه من الشمس .. انا استعمل هذا من ذا بودي شوب

شريته على مدح اختي تقول : في عزز الجفاف لما تتقطع شفايفك ماراح يفيدك الا هو​

للامانه فعلاً لاحظتها ، لما تكون شفايفي مجروحه استعمله .. ليه لاني احسه يرب من قلب حتى الجرح يرطبه

استعمله كل يوم الصباح بعد مااسوي روتيني الصباحي استعمله .. ليه ؟

لاني بداية السنه الدراسه كنت اهتم في شفايفي بس ماكنت احرص على حماية شايفي من الشمس .. لكن والله لاحظت شفايفي سمرررت ، عشان بس ما حميتها من الشمس!

احرصوا على هذي الخطوه ، حتى لو ما تطلعين للشمس او تتعرضين لها بشكل مباشر .. لان في اشعه للشمس تخترق حتى الشباك والجدار فضررها يوصلك

احمي شفايفك وبشرتك من الشمس حتى ولو كنتي في البيت

فيه انواع مرطبات كثيره للشفايف اللي فيها نسبة الوقايه : زي مثلاً اللي في الصوره اللي فوق / مرطب بيبي ليبز من ميبلين اللي لونه سماوي / مرطب الشفايف من سيبا ميد

(( توريد الشفايف ))

جربت طرق طبيعيه الى الليل ، بس للامانه ماشفت شي زي هذول ")

مرطبات بيبي ليبز .. اتعب وانا اقول بطططططله

اللي لونه برتقالي لونه بسييط

واللي لونه اسود لونه قوي وواضح لدرجة كأنك حاطه روج مو مرطب

الطريقه :) حطي من اللي لونه قوي "اللي علبته سوداء" طبقات كثيره ، يعني كثرري منه قبل تنامين

تنامين .. تقومين .. تراا شفايف صارت وردييه :)

وخلال اليوم "بعد كل فرض" حطي من اللي لونه برتقالي

جربوها وادعوا لي :) مفعولها جدد عجيب

تلقونهم في النهدي وسنتر بوينت وستي ماكس ورد تاق .. اتوقع سعر الواحد ١٥ ريال 

ماينفع تستبدلينه بلابيلو لان اللابيلو يسمر الشفايف .. وهذا اللي سواه معي :(

اما بالنسبه للتوريد المؤقت فماجربت شي بجمال تنت بينفت :)

بينفت منزلين اربع انواع والوان للتنت .. اللي عندي من بيني تنت من بينفت

احط منه على شفايفي وانتظره الين ينشف بعدين احط فوقه مرطب بيبي ليبز البرتقالي يعطي لوك طبيعي يجنن

اسوي هالحركه في البيت او اذا جانا احد امون عليهم يعني مااكشخ لهم :) ومرات اسويها في الجامعه

مره احبه ومررره انصح فيه هذي ثالث علبه اشتريها منهم

اذا انتي طالبة مدرسه حطي منه قبل الدوام + مرطب شفاف فيه نسبة وقايه

(( نصايح عامه عن توريد الشفايف ))

١- من اسباب سمار المنطقه حول الشفايف ؛ انك لما تفرشين اسناك المعجون يطلع ، فالمعجون احد اسباب سمار المنطقه اللي حول الشفايف .. حاولي دايم لما تغسلين اسنانك ماتخلين المعجون يطلع

٢- دايم بعد ما تفرشين اسنانك مرري الفرشه على شفايفك .. فرشي شفايفك يعني :)

الطريقه هذي تساعد في تحريك الدوره الدمويه فبالتالي تورد الشفايف

وبس :)

اتمنى اني افدتكم او امتعتكم :)

احبكم

xoxo